Nus purschin differentas excursiuns, spassegiadas tematicas, turas cun guids, engaschaments da lavur e jamnas da project tier temas dall’agricultura, uaul ni alp. Pil viandont sco era per scolas e gruppas dat ei pliras pusseivladads da s'avischinar/s’occupar cun l’agricultura ella surselva surssasiala. Il Center sursilvan d’agricultura arva aschia ina porta al mund puril els cuolms per hosps ord igl entir mund.
Loghens da perscrutar:
Per dapli informaziuns ed annunzias: info@agricultura.ch / 081 936 48 00
*guidas adattadas per carschi/gruppas, senza steila adattau per affons e giuvenils
Guida atras la stalla dalla Claustra e la Senneria*
Tura atras la stalla dalla claustra cun 45 vaccas da latg cun corns ed atras la Senneria moderna, sin giavisch silsuenter in apéro cun products frestgs dil bein puril ni dalla regiun. Per gruppas cun grond interess vid l’architectura ei era ina tura cun focus sin lez pusseivel.
Per gruppas, uniuns e firmas (carschi)/max. 25 persunas/settember – zercladur /cuoz ca 1 -1.5 uras
Guida atras la stalla e caschar
Ord il latg frestg direct ord stalla producin nus in sempel magnuc frestg e visitein las vaccas dil bein puril. Ina cuorta investa el mund dil puresser muntagnard e dil signun.
Per famiglias, affons e scolas/max. 12 persunas ni 4 famiglias/settember – zercladur/cuoz ca. 2.5 uras
Mulscher e marenda
La sera observein nus il pur da biestga Baseli Berther a Dieni/Tujetsch duront ch’el mulscha ed astgein plinavon emprender d’enconuscher sia stalla. Suenter gudiun nus ina buna marenda tier la famiglia Berther.
max. ina famiglia/october – avrel/ cuoz ca. 2 uras
Perscrutar il bein puril dalla claustra
In bein biologic cun vaccas latg sin 1000 meters – cheu san ils affons e giuvenils emprender d’enconuscher il puresser dalla Surselva.
Tgei maglia la vacca? – Naven dil pastg tiel latg
La vacca maglia buc mo pastg – da gliez denton ina dètga massa. Ils scolars emprendan interessantas caussas davart la vacca, sia maglia, lur magun ed il precius product latg.
Per classas cun affons naven dalla 3. classa primara sco era per giuvenils/settember- zercladur/max. 25 persunas/cuoz ca. 3 uras
Fascinaziun caschar – Dil latg al caschiel
Co daventa ord latg caschiel? Quella damonda sespruein nus da rispunder cun gest empruar sez sche nus vegnin da far ord latg in magnuc frestg.
Per classas cun affons naven dalla 3. primara sco era giuvenils/settember-zercladur/max. 12 persunas (gruppas pli grondas sin damonda) /cuoz ca. 3uras
La historia dil caschiel*
Ina spassegiada atras Mustér sils fastitgs dil caschiel da muntogna: Nus mirein ina cascharia veglia, emprendin interessantas caussas davart igl origin dil caschiel svizzer e visitein la Senneria moderna a Salaplauna.
Per gruppas (carschi)/ avrel – october/ max. 20 persunas/ cuoz ca. 3 uras
Sils fastitgs dil graun alpin*
Ella Surselva vegneva cultivau garnezi entochen sin l’altezia da 1700 m s.m. Ils fastitgs da quella producziun perscrutein nus sin ina spassegiada guidada – era cun perdetgas da quei temps.
Per gruppas (carschi)/ avrel – october/ max. 20 persunas/cuoz ca. 4 uras
Tura cun guid atras la stalla per persunas dil fatg
Tura cun guid atras il menaschi da 45 vaccas da latg dalla razza brina originala entras ils affitaders dil bein puril dalla claustra. Adattau per persunas dil fatg ni scolaziuns agricolas.
max. 25 persunas/pusseivel gl’entir onn/ cuoz ca. 1.5 uras
